Bei seinem Sylvester-Besuch in China bekam Bundeskanzler Schröder den Ehrendoktorhut
der Tonji-Universität. Es ist die erste Ehrendoktorwürde für Schröder. Vorgänger Kohl
brachte es auf mehr als 20.
Auf vielfachen Wunsch insbesondere aus Baden eine Übersetzung in den als
"Hochdeutsch" titulierten niedersächsischen
Dialekt: hier klicken.
H.H.: Do frogsch de joh scho, was die Magnifizenza bisher gega des arme Proletarier-Bieble
Gerhard Schröder ghet hen - zmol, wo dr Kohl joh scho a Doktr-Hietle aus oigner Kraft
drworba ghet hot, bevor'r Kanzler worre isch. Aus oigner Kraft ? Ha joh, der soll doch mol
Hischtohrie schdudiert han - deswäge war'r au schoh so guat mit seine Nazi-Vergleiche
ond so vorbildlich fir'n Joschka Fischer ond s Hertha Däubler-Gmelin. An arge Omwäg hat
des Käpple joh scho mache missa: In Europa isch die Traditioh in de sechzger Johr fascht
abbroche von wäga: "Unter den Talaren, der Muff von 1000 Jahren"... Die US-amerikohnischa
Univärsidäda henn die Quadrat-Karnevals-Mizzla au blohs ibernomme, weil se halt sonscht
koi scheene oide Traditiohne hen. Ond des henn noh wiadrom d Chinese abkupferd. Drweil
henn die doch selber mohl scheene Hietle mitm Bommelschwänzle dra ghet. Abbr s schlimmscht
schwant mr jezzat: Wenn mr den Kohl henn 16 Johr aushalte misse, bis daß 'r seine 20
Doktr-Hietle zsamme ghet hot, wielang misset mr danoh den Schröder noh aushalte bei
dem soin lahme Tempoh ? Finf mol zwanzge Johr ? Oh jemineh !
