"It's Steinhenge"
titelte kürzlich der 'Daily Express'. Das größte prähistorische Steindenkmal Europas
soll nach neuesten Forschungsergebnissen im 3. Jahrtausend v. Chr. von Einwanderern
aus dem Gebiet des heutigen Deutschland errichtet worden sein. Angeblich ein Schock
für britische Patrioten.
Auf vielfachen Wunsch insbesondere aus Baden eine Übersetzung in den als
"Hochdeutsch" titulierten niedersächsischen
Dialekt: hier klicken.
H.H.: Des hann i scho immer gsait: So a bleedsinnige Stoihauffe koa bloß vonnam
Schwoob gmacht worre sei - där isch halt schbarsam gwä ond hat deswäge so wenig
Schtoiner wias blos goht gnomme. Des isch dia lohgisch Begrindung weswäge dia
Denger so groß send. Usserdehm isch die Schbarsamkoit bloß Faulhoit. Danoh
musst'r net so oft zwischem Stoibruch ond soiner Sternwache hin- ond herrenna.
Wenn dia Brite jezzat an Schogg henn, dann bloß desswäge, wail se koi Ahnung
von dr Hischtorie henn. Se send doch sälbr a Promenademischung us Wickingr, Kelte,
Normanne ond Reemr. Ond dia Badensr senn au älle reemische Bankert. Net bloß
die GIs henn nochm letschde Weltkrieg deutsche Mädle gschwängrd. Wenn dr's mol
ibr dia Johrdausend hin ohguggsch, send eh älle Europäer Multi Kulti. Andauernd
het's ergend welche Velkrwandrunge gäbbe ond dia wenigscht wisset, daß
selbschd im Middelaldr dia Handwergsbursche in ganz Europa rumkomme senn - ond
moinsch dia wäret monatelang sexuell enthaldsam gwä ?
